ମହାରାଷ୍ଟ୍ର ରାଜନୀତି ସରଗରମ 

• 23-Jun-2022
•  0
• 0 Comments

×

ସରକାରୀ ବାସଭବନ ଛାଡିଲେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ

ମୁମ୍ବାଇ : ମହାରାଷ୍ଟ୍ରରେ ରାଜନୈତିକ ସଙ୍କଟ କ୍ରମେ ଘନେଇବାକୁ ଲାଗିଛି ! ଅସନ୍ତୁଷ୍ଟ ଶିବସେନା ବିଧାୟକଙ୍କୁ ମନାଇବାରେ ଉଦ୍ଧବ ବିଫଳ ହେବା ପରେ ପତ୍ନୀ ଓ ବିଧାୟକ ପୁଅକୁ ସାଙ୍ଗରେ ଧରି ସରକାରୀ ବଙ୍ଗଳା ଛାଡିଛନ୍ତି ! ବିଦ୍ରୋହୀ ଶିବସେନା ବିଧାୟକ ଏକନାଥ ସିଂଦେଙ୍କ ନେତୃତ୍ୱରେ ୩୪ ବିଧାୟକ ରାଜ୍ୟପାଳଙ୍କ ନିକଟକୁ ଚିଠି ପଠାଇ ବିଧାୟକ ଦଳ ନେତା ଭାବେ ଏକନାଥଙ୍କୁ ନିଯୁକ୍ତ କରିବା ପାଇଁ ଅନୁମତି ଲୋଡିଛନ୍ତି ! ଶିବସେନାର ବରିଷ୍ଠ ବିଧାୟକ ତଥା ରାଜ୍ୟ ସରକାରର କ୍ୟାବିନେଟ ମନ୍ତ୍ରୀ ଏକନାଥ ସିନ୍ଧେଙ୍କ ନେତୃତ୍ବରେ ଅନେକ ବିଧାୟକ ଏକଜୁଟ୍ ହେଉଛନ୍ତି । ଏହି ବିଧାୟକମାନେ ଶିବସେନା, ଏନସିପି ଓ କଂଗ୍ରେସକୁ ନେଇ ଗଠିତ ରାଜ୍ୟର ମହା ବିକାଶ ଅଘାଡି (ଏମ୍‌ଭିଏ) ଭାଙ୍ଗିବାର ଯୋଜନା କରିଛନ୍ତି। ଏଥିରେ ବିରୋଧୀ ଦଳ ବିଜେପି ସାମିଲ ହୋଇଛି। ରାଜ୍ୟର ଏପରି ରାଜନୈତିକ ସଂକଟକୁ ନେଇ ରାଜନୈତିକ ବୟାନବାଜି ଆରମ୍ଭ ହୋଇଛି।

×

କୁହାଯାଉଥିଲା ଗତକାଲି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ମଦରୁ ଇସ୍ତଫା ଦେବେ । ହେଲେ ଉଦ୍ଧବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇ ନଥିଲେ ।